Trolig vårens sterkeste og mest spennende teatereventyr
Det var sykt bra!
Treffer blink med teater om Minecraft
(..) Slik lykkes forestillingen med noe stort: Å snakke om følelser på barnas egen server.
Nominert til beste audiovisuelle design
Ei spennande teateroppleving for deg som likar å spele Minecraft og for alle som har lyst på ei actionspekka familieframsyning om vennskap, familie og det å stå på eigne bein.
Vegard spelar Minecraft, men livet elles er drit. Han flyttar frå mora til storebroren sin og må klare seg sjølv, utan vennar på ein helt ny stad.
Ein dag møter han Marah. Ho og vennane hennar er på sommarleir og spelar Minecraft på kveldane. Vegard får prøve seg, men han brenn ned landsbyen deira og alt går gale. I det fjerne begynner eit truande, mørkt fort å reise seg.
Vegard oppdagar at nokon er etter han. Ein som kjenner han altfor godt, og som gjer alt for å øydelegge.
Bli med til ei oppslukande verd der spel og verkelegheit smeltar saman!
Youtubar og gamar Jonas Lihaug Fredriksen spelar Vegard sin storebror saman med skodespelarane Arjan Nilsen, Albertine Lundgren, Siren Jørgensen og Maria Lingfors. Lokale barn og ungdommar bidrar som Minecraft-spelarar i kvar framsyning.
«Det mørke fortet» er ei familieframsyning frå Riksteatret der barna lærer om livet og dei vaksne lærer om barna.
Framsyninga passar spesielt godt for litt større barn.
Ikkje tilrådd for barn under 6 år.
Av Frode Gjerløw og Håkon Dalsbø.
Minecraft-verdenen skapes av Skogliv.
Forestillingslengde: 1 time 40 minutter (inkludert pause).
Urpremiere: Oslo / Nydalen 16. feb 2024
Turnépremiere: Molde 23. feb 2024
Produsert av Riksteatret i samarbeid med Teatret Vårt og Hålogaland Teater.
«Det mørke fortet» er ikke et offisielt Minecraft-produkt.
