Vi møter Kaptein Noah, ein aldrande forskar som har trekt seg tilbake til eit eige, eventyraktig fabelunivers. Her forsøker han å redde seg sjølv og dei små skapningane sine fra samtidas syndeflod. Rundt han lever pinnedyr, skrukketroll og sneglar – og det er nettopp desse som får ordet når dei store spørsmåla vert stilt. 

Scenerommet er ikkje noko mindre enn imponerande. Det maritime universet er konstruert med kjærleik for detaljane, rigga som en seglbåt, bygd i tau og tre. Lugarane for dyra, ja, for her er det levande småkryp i hovudrollane, er så rikt utstyrt at ein nesten vil flytte inn. Brunsneglen si hole, komplett med ølflasker og blad frå underlivet av norsk flora og fauna, er eit kunstverk i seg sjølv. 

«Triggersystemet» er eit møte mellom det lille i det store og det store i det lille. På scenen møter du legendariske skodespelarar som Bjørn Sundquist, Anders Baasmo / Magne Håvard Brekke, Thea Stabell / Gjertrud Jynge og Even Stormoen, samt topp musikarar, songarar og visuelle kunstnarar frå Transiteatret-Bergen. Med Riksteatret får endå fleire moglegheit til å oppleve den prisløna og kritikarroste framsyninga der dei bur!