Alle born har foreldre, men ikkje alle får vere mamma eller pappa for borna sine.

Gørild Mauseth er ein av dei mest uredde og fargerike skodespelarane vi har her i landet, og sist ho gjesta Riksteatret var i tittelrolla i Anna Karenina – kjærleikshistoria som òg handlar om mora som vert nekta samvær med barnet sitt. Når Gørild no er tilbake, er det i ei brennaktuell framsyning basert på sanne historier frå dagens Noreg, der temaet er det same. Det handlar om mammaer og pappaer som ikkje får vere saman med borna sine så mykje som dei ønsker, og i Til barnets beste skal både borna og dei vaksne få komme til orde.

Det finst born i Noreg i dag som får sjå lite eller ingenting til den eine av foreldra etter eit samlivsbrot. Det finst foreldre i Noreg i dag som bruker det meste av krefter og ressursar på å få tilgang til barnet sitt. Om vi ikkje sjølve høyrer heime i ein oppløyst familie, kjenner vi fleire, og gjerne i den nærmaste krinsen vår.

–Eg håpar at denne framsyninga kan vere med å skape debatt, stille spørsmål og engasjere både unge, vaksne og eldre til å gå i seg sjølv og bidra til å vere med på at vi kanskje kan få det betre i framtida, seier Gørild Mauseth.

Forestillingslengde: 1 time 30 minutter (ingen pause).

Premiere: Oslo / Nydalen 23. oktober 2019

Turnépremiere: Melhus 29. oktober 2019

Produsert av Riksteatret

KJØP BILLETT TIL:

Medvirkende

På scenen

Gørild Mauseth

Gørild Mauseth

Skuespiller

Kunstnerisk team

Aslak Moe

Aslak Moe

Regissør, Manusforfatter

Elisabeth Kjeldahl  Nilsson

Elisabeth Kjeldahl Nilsson

Lysdesigner

Wenche Viktorsdatter Paulsen

Wenche Viktorsdatter Paulsen

Produsent