Riksteatret samlar nokre av landes beste skodespelarar i ein heilt ny versjon av Peer Gynt. Regissør Ole Anders Tandberg går tett på personane i Ibsens meisterverk. Kva skjer med oppfattinga vi har av Peer Gynt når vi kjem tett på, heime i kjøkkenet hos Peer? Kven var han eigentleg, og kvifor flykta han alltid frå seg sjølv?

-Eg har alltid hatt lyst til å spele Peer Gynt, seier skodespelar Anders Baasmo. – Viss vi gjer det på den rette måten, trur eg at vi kan komme nærmare kjernen, nærmare det stykket eigentleg handlar om. Eg håpar vi kan lage ei framsyning som gjer at folk kan kjenne igjen meir av seg sjølv i Peer.

Anders Baasmo set seg i turnébussen saman med Gisken Armand, Ola G. Furuseth, Jan Sælid og Thea Lambrechts Vaulen.

Riksteatrets framsyning er eit spanande møte med Ibsens klassikar – ei framsyning for alle, enten du er Ibsen-kjennar eller møter Peer for første gong.