En av høstens morsomste og mest underholdende forestillinger, et drivende rapshow og noe nær en standup-fortelling.
Rett i hjertet. Både tankevekkende og nostalgisk
En rørende og sterk forestilling
Ei forteljing om fellesskap, utanforskap og prisen på Bugg.
Kva betyr det eigentleg å høyre til og vekse opp ein stad som formar deg for alltid? «En gang Romsåsgutt» er ei feiring av albumet som gav oss låten «Nilsen» og eit dykk inn i historiene bak. Av og med rapparen Don Martin, kjend frå Gatas Parlament.
"En gang Romsåsgutt" har vore spelt for utselde hus på Det Andre Teatret i Oslo, og endeleg – endeleg får fleire oppleve denne! Don Martin fortel om si side av byen. Den sida som ofte blei snakka om, men som sjeldan kom til orde sjølv. Deler av framsyninga er knytta til nokre av kapitla frå Zeshan Shakar og Don Martins kritikarroste bok "Kan du høre byen puste ut". Du treng verken å ha lese eller kjenne til boka for å ha glede av framsyninga.
Dagen etter kan du sjå "Mellom linjene" - eit talkshow med Don Martin og gjester . Billettane til den framsyninga er gratis. Du hentar ut billettane dine ved å bestille dei her.
Forestillingslengde: 1 time 30 minutter (ingen pause).
Produsert av Don Martin og SPKRBOX i samarbeid med Det Andre Teatret. Produsert for turné av Riksteatret. Støttet av FFUK.