03:08:38 – Tilstander av Unntak

Mykje er sagt og skrive om Tore Vagn Lid og Transiteatret-Bergen si segnomsuste «03.08.38 – Tilstander av unntak», ein monumental komposisjon for teater. Norsk Shakespearetidsskrift kåra nyleg stykket til ei av dei viktigaste framsyningane i landet dei siste 25 åra.

I eit forsøk på verkeleg å forstå unntakstilstand som politisk fenomen gjennom terroraksjonen i Oslo og på Utøya 22. juli 2011, grip Vagn Lid til eit utvida musikkteater, der tradisjonelle grenser mellom «vitskap» og «kunst», mellom «teater» og «musikk», mellom «klassisk» og «jazz» og mellom «scene» og «sal» blir overskridne i ein type musikkdramaturgisk «Gesamtkunstwerk» med tida sjølv i sentrum.

Når denne sceniske komposisjonen no blir henta tilbake til Oslo, skjer det med eit særleg blikk og øyre for det musikalske.

Blir presentert av Transiteatret i samarbeid med Riksteatret, Ultima og Vega Scene.