Sámi bucketlisttu lea mearálaš gudnejahttin: Sámi bivnnuhis kultuvrii, Sámi árbevieruide, Sámi aktivismii. Nuoraid áŋgiruššamiidda, ovddešáiggiide, dálááiggiid ja boahtteáiggiide Sámis.
Mii oahpásnuvvat Iŋggáin guhte fargga šaddá “albma” rávisolmmožin. Son ii máhte nu ollu sámi kultuvrra ja árbevieruid birra. Iŋgá máhttá váhnengiela, muhto earret dan lea son buot eanemusat dáruiduvvan sápmelaš obanassiige. Nu navdá goit su Sáve-oambealli; ahte Iŋgá ii leat nohkka buorre sápmelažžan, nu go son ieš, guhte lea albma boazosápmelaš – mas lea albma sámi árvoipmárdus, son guhte lea albma ČSVar. Sámáidahttimis Iŋggá, hástala Sáve su sámi bucketlisttuin. Iežasráhkaduvvon “sámi oahpahusain”, dainna mihttomeriin ahte son šattašii buot čeahpimus sápmelažžan obanassiige. Ahte šaddat albma sámi sáŋgárin!
Wow! (..) Et fyrverkeri av et stykke
Et stykke du ikke vil angre på å ha sett!
Mii deaivvadit dáláš Elsa Laulaiguin, etnohušain, ovddešáigge árbevieruid ođđaáigásaš vieruid ektui, joikabolleriiguin, juohkebeaivválaš nállevealahemiin, SoMe-áhkuin, gilin ja gávpogin, sámi siepmanbáŋkkuin, sámi ekstremismain, DNA-iskosiiguin ja dekoloniserema. Die dušše namuhan dihte muhtin oasi das.
Lávddis
Ingá Márjá Sarre, Kristian Tapio, Anja Saiva Bongo Bjørnstad, Nils Henrik Buljo, Marte Fjellheim Sarre, Anitta Suikkari
Teama
Dramatihkár: Ellána Bireha Aillo Sarakka/Sarakka Gaup, Bagadalli: Sara Margrethe Oskal, Bagadallanveahkki: Egil Keskitalo, Lávdehábmejeaddji: Hilde Hauan Johnsen, Čuovgahábmejeaddji: Øystein Heitmann, Šuokŋadahkki: Anthoni Hætta, Bivttashábmejeaddji: Ramona Salo Myrseth, Vuoiddashámat: Mette Noodt
Čájálmas bistá: Diimmu ja 20 minuvtta (ii boddu).
Sámi Našunálateáhtera Beaivváža buvttadus.